وصفات لتفتيح الوجه

وصفات لتفتيح الوجه

للبشره العاديه والجافه والدهنيه

لو عندك كده فرح بليل ولا مشوار حلو ولا حصلت معجزه وجوزك قرر يعزمك على العشا بره

وعايزه وشك جميل ورايق حتى من غير مكياج

هقولك على ماسك جميل بيشد الوجه وكمان يتح البشره وبينقيها

ماسك طبيعى من ادوات المطبخ الجميل بتاعنا وغير مكلف

1- شويه رده

2- معلقه عسل

3- معلقه ماء ورد

4- نص ليمونه للبشره الدهنيه

5 -معلقه زبادى لو البشره عاديه او جافه

قلبيهم ف بعض وحطيهم على وشك 20 دقيقه

اشطفى وشك بعدها بماء فاتر

 

علاج تشقق القدمين

علاج تشقق القدمين

طبعا احنا فى شتا وساعات بنلاقى رجلينا ناشفه جدا

والتشققات الى بتزيد فى الشتا مره ورا مره بتحتاج شغل مكثف

طيب وصفه حله ومجربه لمده اسبوع وشوفى بيبى صغير وهتلاقى  رجلك انعم من رجله

ايه بقى الوصفه

1- اناء مايه سخنه جدا اقصى حاجه تقدرى تستحمليها

2- شويه شامبو صغيرين

3- شويه ملح

وانقعى رجلك ف المايه لمده نص ساعه يوميا لمده اسبوع

وانتى حاطاها ف المايه هاتى حجر اسود او اى حاجه من ادوات القدم خشنه وادعكى بيها رجلك وهاتى كريم بشره عادى جدا وحطيه على رجلك بعد متنشفيها والبسى شراب

طبعا ده كل يوم لمده اسبوع قبل النوم

بعد الاسبوع ادعيلى يا جميل

 

علاج الشعر التالف

علاج الشعر التالف

السلام عليكم يا انسات ويا سيدات

الحقيقه المره ديه انا جايه اتكلم عن الشعر غالبا كلنا بنعانى من تلف الشعر

وانا كنت عايزه اقول ان التلف كمان بيادى فى بعض الاحيان الى زياده خشونه الشعر يعنى البنوته الى شعرها خشن قوى هوه فى الواقع موش بالسوء ده لكن التلف بيخليه سئ جددا

وفى سيدات شعرهم ناعم وبعد فتره تلاقيه ملبد وموش عارفه حتى تسرحه وبهتان ومقصف

طب العلاج ايه

تغزيه الشعر شئ مهم جدا

1- بيضه

2- 2 معلقه مايونيز

3- 2معلقه زيت زيتون

اغسلى شعرك وحطى الخلطه ديه وبعد ساعه اشطفيه واعمليها مره كل اسبوع وليكن كل جمعه مثلا

ومن تانى مره هتحسى بالفرق

بالنسبه بقى لتساقط الشعر جربى تاخدوا فيتامين بى -وفيتامين بى12

مفيد جدا يا بنات وملوش طبعا اضرار ومفيد كمان للارهاق

 

اخلاق تستحق التامل

السلام عليكم جميعا
حصل لى موقف النهارده وكان نفسى قوى احكيه لناس كتير وكان نفسى اقول لكل الناس اتفرجوا على الاخلاق المصريه البسيطه للناس الفقيره الى بتديك امل ان بكره احلى احلى بجد واجمل من كل عيون الى عايزين يشوهوا الصوره الى موش شايفنا من جوانا
قابلت والد فقير جدا بيبيع بخور تقريبا فى اعدادى وجه يبيع لى بخور
قللته موش عايزه يا عسل وجيت اديله فلوس
قالى لا يا ابله ديه تبقى شحته خدى بخور وادفعى الى تدفعيه
صراحه مكدبش عليكوا مبحبش البخور الى بيتباع عندنا هنا ف مصر بيتعب صدرى
ورحته موش اد كده ومحبش اشترى حاجه موش هستعملها
قلته يا بنى خد الفلوس كانك بعت البخور وكانى يا سيدى عزمتك على حاجه ساقعه
قالى لا يا ابله معلش سلام عليكوا اخويا علمنى ان كده شحته ومشى

انا الصراحه حبيته جدا اد ايه محتاج الفلوس ومخدهاش ومشى فعلا وسابنى
قلبت عليه الشارع تانى عشان اشترى منه موش لاقيته وزعلت قوى من نفسى انى مشيت راجل زى ده على الرغم من صغر سنه
هوه راجل بجد
عزه نفس وكرامه واخلاق
انا فعلا متضايقه من نفسى انى مخدتش منه بس انا عذرى انى كتير بشترى حاجات برميها وبيتنصب عليه
يعنى تشترى شامبو من الجائلين يطلع صابون سايل ده مثال انا ياما اتقرصت فمعدتش بشترى منهم
لكن النهارده الولد بصغر سنه واخلاقه علمنى ان صوابعى موش زى بعضيها
وعلمنى الكرامه
وحسسنى انى غلطت لما حاولت اديله فلوس بدون مقابل عشان معودهوش الشحاته
طبعا التدوينه ديه هتقولولى ايه علاقتها بكلام ستات مهو كله كلام ستات
والى تحب تحكى لنا عن موقف يخصها يا ريت

النظام الغذائى الثانى

النظام الغذائى الثانى للاسبوع الثانى

اولا الافطار

2 كوب ماء بارد +1بيضه مسلوقه او قطعه جبن قريش او 4 ملاعق فول

الغداء

 1/2 رغيف او 5ملاعق ارز او خمس ملاعق مكرونه +

اليوم الاول  صينيه لحم بالخضروات + طبقصلطه صغير

 

اليوم الثانى فاكهه + بطاطس مسلوقه او 4 ملاعق فول

 

اليوم الثالث 1/2 سمك مشوى + طبق سلطه

 

اليوم الرابع قطعه جبن خالى الدسم

 

اليوم الخامس كباب حله او صدر فرخه + خضار سوتيه

 

اليوم السادس 2 بيضه مسلوقه+ شوربه عدس

 

اليوم السابع طبق خضار نى فى نى + 2قطعه لحم

 

قبل العشاء

2ثمره فاكهه او 50جرام فشار او ترمس

العشاء قبل النوم ب2 ساعه

2 ثمره فاكهه +2 كوب زبادى او قطعه جبن قريش +1/4 رغيف

الوصايا العشر للشبع باقل طعام

 

الوصايا العشر للشبع باقل طعام

1-تناول 3 اكواب ماء قبل الوجبه الرئيسيه فالماء ليس له اى سعرات حراريه ويملىء فراغ المعده ويقلل بالتالى من تناول العاط ويزيد الشعور بالشبع كما ان الماء ليس له اثار جانبيه

2-تناول الجريب فروت او خل التفاح قبل الطعام فانه يقلل من الاحساس بالجوع ويحد من تناول الطعام

3- ابتداء الطعام بتناول السلطات الخضراء المضاف اليها الخل فانها تقلل من تناول الطعام ذى السعرات المرتفعه وتعطى احساس بالشبع لمده طويله وفى نفس الوقت فان سعرات السلطه الخضراء قليله للغايه

4-الحرص على تناول الاطعمه الغنيه بالالياف او اقراص الرده بران فهى تؤدى الى الشبع باقل كميه من الطعام وتاخذ وقتا طويلا فى المضغ والهضم

5- تناول الوجبات ببطء شديد اكثر من 20 دقيقه

6-تقطيع الطعام الى قطع صغيرهوتناول قطعه تلو الاخرى فنجد اننا وصلنا للشبع بعد اكل عدد قليل من القطع وذلك لاتاحه الفرصه للهضم وامتصاص الطعام جيدا جدا

7- استعمال ادوات المائده الخاصه بالاطفال

8- تجنب تناول الطعام واقفا وتناوله بهدوء واسترخاءولا يتم تناول الطعام الا بعد البلع التام

9- عدم تناول الطعام امام التليفزيون حتى لا تنشغل تناول كميات كبيره من الطعام 

نظام غذائى k2

اولا نبتدى بقى ناخد الانظمه الغذائيه وكل نظام بتستمرى عليه اسبوع واليوم الثامن بتوزنى نفسكوبتاخدى فرى وجبتين فطار وغداء او غداء وعشاء وبعدين تبتدى ريجيم اليوم الى بعده بازن الله اول اسبوع يا حبايبى اسمه k2 وكل اسبوع له اسم

توكلنا على الله

اولا قبل الافطار

1كوب ماء كبير + 2معلقه عسل ابيض

الافطار

1/2 رغيف + 2قرص طعميه مصفى جيدا من الزيت او 2 شريحه لانشن او بيضه مسلوقه او قطعه جبن قريش او 4 ملاعق فول او كوب لبن رايب

 

بعد الافطار بساعتين

لمده يومين قطعه حلويات صغيره و لمده خمس ايام 2 ثمره فاكهه

ثانيا قبل الغذاء

خيار او خس

 

الغذاء

(2يوم) طبق خضار متوسط الحجم+ 2قطعه لحم+ نص رغيف او خمس ملاعق ارز او مكرونه

(2يوم) طبق خضار متوسط الحجم+ صدر فرخه + نص رغيف او خمس ملاعق ارز او مكرونه

(1 يوم) بطاطس مسلوقه + سلطه+ نص رغيف او خمس ملاعق ارز او مكرونه

(1 يوم) شوربه عدس او خضار سوتيه او 1/2كيلو سمك مشوى + نص رغيف او خمس ملاعق ارز او مكرونه

العشاء

2 ثمره فاكهه +كوب زبادى +رده او2 كوب زبادى خالى الدسم او 4ملاعق فول او ابيضه مسلوقه +1/2رغيف

 

نصائح خاصه بالمرضعات

طبعا حبايبى اللى بيرضعوا بيبقوا خايفين يعملو ريجيم عشان اللبن وصحه البيبى انا بقولكوا الريجيم ده عملته وانا برضع لانى كنت سمعت معلومع ان الست وهيه بترضع بتبقى ف احسن وقت ليها انها تحرق الدهون وطبعا الحمد لله خسيت عليه كويس جدا والمعلومه ديه دكتور الريجيم ال كنت بتابع معاه هوه الى اكدها لى

نصائح خاصه للمرضعات

1- الاكثار من تناول الماء والعصائر الخاليه من السكر للمحافظه على كميه اللبن طوال اليوم

2- الاهتمام بتناول البروتينات مثل اللحوم والاسماء مسلوقه اومشويه وبدون دهون والبيض والالبان

3- تناول 5 اكواب من النعناع او الشمر او الينسون او الحلبه بعد استشاره الطبيب والكراويه ووضع الشبت على السلطه لتساعد على ادرار اللبن

4-عدم تناول اى نوع من ادويه التخسيس فمعظمها يفرز فى اللبن وله مضاعفات على الطفل

5-الاهتمام جيدا بمزاوله الرياضه وممارسه التمارين والمشى لتقويه عضلات البطن وتقليل الكرش

6- الاهتمام بتناول الاطعمه الغنيه بالفيتامينات والاملاح مثل الخضروات الطازجه والفاكهه

7- عدم اتباع ريجيم قاسى او التقليل من الريجيم لان ذلك يؤدى الى ضعف اللبن

وصفات الاكل طوال فتره الريجيم

وصفه المكرونه

ملو كوب صغير قبل السلق ويضاف له الصلصه الطازجه ويضاف اليها (ملح -فلفل-توابل-بهارات-ماجى خضروات)

وصف الارز

ملو كوب صغير قبل السلق ويسلق فى كوب ماء وعند الغليات يضاف(ملح -فلفل-توابل-بهارات-ماجى خضروات-كوركم وكارى)

وصفه المحشى

يمكن استخدام وصفه االارز السابقه فى عمل المحشى (كوسه وبازنجان وكرنب)

ويضاف(نعناع -ملح -فلفل-توابل-بهارات-ماجى خضروات-شطه)

وصفه الخضار

نى فى نى او على البخار او شوربه خضار ويضاف (الطماطم-البصل-الثوم-البهارات- التوابل -ماجى خضروات)

وصفه الاومليت

نسخن قطعه من الجبن الموتزريلا ويضاف اليها البيض ويضاف ملح وفلفل

وصفه الفراخ والسمك واللحم

ينزع الجلد او الدهن من الفراخ او اللحمه (يفضل الاكل مسلوق او مشوى فى الفرن)

يتبل بعصير بصل ملح فلفل اسمر وليمون وخل وبهارات وتوابل)

وصفه البطاطس

تنقع لمده يوم قبل الطبيخ

تهرس البطاطس المسلوقه ويضاف اليها ملح وفلفل اسود وثوم

البطاطس المشويه تسلق البطاطس وتوضع فى الفرن لتشوى

ينيه البطاطس فى الفرت (تقطع البطاطس الى شرائح وتسلق نصف سلق ثم توضع فى صينيه وتقطع البصل والطماطم شرائح مع البهارات وماجى خضروات وتوضع فى الفرن

الوثيقه الزهبيه

السلام عليكم حبيباتى

اولا  زى ماقلتلكوا فى التدوينه الى فاتت ان شاء الله هنبتدى بالرجيم  الرجيم ده يا اخواتى انا بداته مع دكتور يعنى امن وصحى + انانا وقتها كنت برضع فهو كمان امن للرضاعه فاتمنى للكل التوفيق

الوثيه الزهبيه ديه هيه وورقتين كمان الدتور بيسلمها لكل المرضى كاساس للرجيم هيه ديه القواعد العامه الى المفروض تمشوا عليها اثناء الرجيم

الوثيقه الزهبيه

من اجل الوصول للهدف المطلوب من الرجيم والتثبيت الوزن والحفاظ على الصحه العامه هام جدا جدا جدا

اتباع التعليمات التاليـــــــــــــــــــــــــه

عدم ترك الرجيم مطلقا قبل تثبيت الوزن

قراءه نظام الاكل جيدا

 

المسموح

(2 ) شاى و (1)نسكافيه او قهوه فقط - بريل -ليموناده بسكر ريجيم -1/2 كوب لبن خالى الدسم

تبديل الايام او يوم مكان الاخر

الطماطم المطهيه مع الخضار او المكرونه بدون سمن او زيت او زبده

خيار وخس فقط بين الوجبات باى كميات

الخضار المسموح به (سبانخ -فاصوليا-كوسه-باميه-خرشوف-بيروكلىكرنب-ملوخيه-بازنجان)

اختيار الفاكهه من هذه الانواع(برتقال-يوسفى-تفاح-بطيخ-خوخ-مشمش-جوافه-7حبات فراوله)

 

الممنوع

الكاتشب-المايونيز-الزيت-الزبده-السمنه

المخللات والحوازق

البسله -الجزر-البنجر-البطاطس-القلقاس-الاندومى(الا اذا كان مكتوبا فى الريجيم)

الاكل امام التليفزيون

اضافه الخبز بانواعه(الا اذا كان مكتوبا فى الريجيم)

الوجبه الواحده او الجمع بين الوجبات او تبديل اى نو طعام بالخبز او التوست

قياس الوزن قبل مرور اسبوع

 

لابد

الاكل ببطء شديد ويمضغ الاكل جيدا حتى نشعر بالشبع

بين كل وجبه والاخرى 6 ساعات

شرب 3 لتر ماء يوميا -2كوب قبل الاكل بنصف ساعه و2 كوب بعد الال

المشى يوميا ساعه مع هز اليدين

معالجه الامساك فور حدوثه

كلام ستات

السلام عليكم :

سيداتى الفاضلات حياتى اتغيرت كتير جدا بدايه من جوازى اختلفت كتير وبدات اتكلم كلام جديد عليه عن الطبيخ والرجيم ووصفات الشعر الغير مكلفه والماسكات الى من ادوات البيت وكمان بدات اتكلم عن التنضيف ومشاكل البقع وغيره وطبعا قبل ما اتجوز عمرى ما اتكلمت الكلام الغريب ده لان كنت مهتمه بشغلى ف مجال الكمبيوتر وبس...................... ياله اهى دنيا غيرتنا كلنا وديه سنت الحياه فقلت انقل خبراتى الجديده الى طبعا هيه قليله ليكوا وكمان كل واحده عندها خبرات فى نفس المجال تنقلها لينا وبكده نتعلم من بعض وتزيد خبراتنا

طبعا كلنا بعد الحمل والرضاعه جسمنا بيتغير فحبيت ابدا بالرجيم الى مشيت عليه وخسسنى 12 كيلو ف الشهر وبرضه يناسب النوتات الحلوين الى عايزين يظبطوا نفسهم